دليل الاعطال الكامل والحصري

img

العربية بتاكل بنزين مع اني منتظم علي الصيانات الدورية !

[ الاجابة » حساس اوكسجين ]

العربية بتدور وتبطل وتضرب مدافع !

[ الاجابة » راجع علي البوجيهات او الموبينة ]

لمبة الـABS والـCheck Engine بتنور وتطفي والعربية بتبطل لوحدها !

[ الاجابة » كتاوت دينامو ]

لما بتدور العربية بتعمل صوت تكتكة والانذار بيشتغل !

[ الاجابة » نضف قطاش البطارية اذا استمر العيب فالعيب من البطارية ]

العربية بتخرف وتقطع ومرة تدور ومرة لأ !

[ الاجابة » كمبيوتر العربية محتاج ابديت او اعادة برمجة ]

ريحة بنزين عند التفويل وبتلاقي بنزين علي الارض !

[ الاجابة » طرومبة البنزين محتاج يتربط عليها من تحت الكنبة ]

هزة في الدركسيون علي السلانسية مع احساس ان العربية مش مظبوطة !

[ الاجابة » كتاوت دينامو]

سماع صوت طقة في الطلعة او بين الغيارات !

[ الاجابة » قواعد ماتور او كوبلن داخلي ]

صوت نحرة بعد تغيير سير المجموعة !

[ الاجابة » السير مش اصلي او بلية الشداد مش مظبوطة ]

لمبة الدينامو بتنور وتطفي !

[ الاجابة » يجب الكشف علي الدينامو او مساعد شداد السير يحتاج للتغيير ]

لمبة الزيت بتنور علي السلانسية !

[ الاجابة » طرمبة الزيت ضعيفة ويجب تغييرها او الزيت قليل واتبخر وفي الحالة دي لازم تغير نوع الزيت او شداد سير المجموعة ]

العربية مخنوقة مع اني منتظم علي الصيانات الدورية !

[ الاجابة » تنظيف البوابة ]

التكييف مش شغال بكفائة عالية برغم اني مغير الفلتر !

[ الاجابة » يجب غسل السربانتينة بالمياة جيدا مع الكشف علي الفريون ]

الحرارة بتعلي وبتوطي لوحدها مع ان العربية مش سخنة !

[ الاجابة » تغيير حساس الحرارة ]

====================

بسمع صوت في الفتيس ولما بدوس دبرياج بيروح !

[ الاجابة » بلية دبرياج ]

السحب ضعيف والعربية صوتها عالي !

[ الاجابة » ديسك واسطوانة ]

الدبرياج تقيل جدا بدرجة غير طبيعية !

[ الاجابة » العيب في الديسك ]

الغيارات بتنطر !

[ الاجابة » ترس الغيار بايظ لابد من استبداله ]

سماع صوت ونه في الفتيس !

[ الاجابة » تغيير الزيت ولو العيب فضل موجود يبقي فيه مشكلة في التروس ]

====================

العربية لما باخد مطب بتتنطط جامد !

[ الاجابة » المساعدين محتاجة تتغير ]

المطبات الصغيرة الخبط يكون في الدركسيون !

[ الاجابة » بيض الاسكاترا مبوش محتاج يتكبس او يتغير افضل ]

العربية بتحدف يمين وشمال مع اني مظبط هواء الكاوتش !

[ الاجابة » ظبط زوايا ]

الدركسيون بيتهز جامد علي السرعات العالية !

[ الاجابة » ترصيص ويفضل ترصيص الاربع عجلات ]

العربية بتتهز جامد من الخلف بعد سرعة 140 !

[ الاجابة » احد فرد الكاوتش قالبة سلك برجاء تخفيف السرعة لحين تغييرها ]

العربية بتعوم من الخلف اكنك راكب مركب !

[ الاجابة » شداد الميزان الخلفي مكسور او مفكوك ]

====================

الكاسيت مهنج ومش عاوز يجيب اي شئ !

[ الاجابة » الكاسيت محتاج سوفت ]

الكاسيت بيعلق حتي بعد شيل المفتاح !

[ الاجابة » شيل كابل البطارية 5 دقايق ورجعه تاني ]

الكاتب إدارة الموقع

إدارة الموقع

مواضيع متعلقة

اترك رداً