اوبـشـنـز قـد تـكـون لا تـعـرفـهـا فـي الأمـجـرانـد

img
1- لما تيجى تقفل بالريموت بتنور من غير صوت لكن لو انت مش شايفها دوس عالزرار القفل 3 مرات بسرعه تعملك صوت عشان تعرف مكانها
 
2- المرايتين الى عالجنب فيهم سخان بيشتغلوا مع تسخين الازاز الخلفى
 
3- الشنطه مالهاش مفتاح لكن لو الكهربا فصلت بتتنى ظهر الكنبه و تفتحها بايد من جوه ولو انت ماشي بسرعة ودوست علي مفتاح الشنطة مش هاتفتح
 
4- لما تفتح الشنطه او الكابوت بتنور عندك فشاشه البيانات
 
5- الاوتو لايت هو حساس للنور وده بيبقى فدراع النور وظيفته انك لما تكون ماشى فنور يبقى نور الامامى مطفى اول ماتنزل فنفق او جراج ينور لوحده
 
6- لو فيه باب مفتوح وانت مش واخد بالك اول ماتزيد عن سرعه معينه تلاقى صوت انذار اشتغل ينبهك
 
7- لو نزلت من العربية ونسيت باب مفتوح او الكابوت او الشنطة العربية بتعمل صوت عشان تنبهك انك ناسي تقفلهم
 
8- لو انت بتجرى و ضربت فرامل جامد الانتظار بيشتغل و لما تمشى بيطفى او انت ممكن تتطفيه
 
9- لما بتيجى تفتح العربيه بالريموت العربيه بتنور لو انت قبل ماتقفلها مخلى الشبورة شغال
ينوروا لما تفتح و لو انت مش مشغله ماينوروش لما تفتح
 
10- لما تزود عن 120 كم ايمى بتديك جرس 3 مرات تنبيه ولو مش رابط الحزام بيديك تنبيه برده
 
11- العربيه فيها ايموبلايزر يعنى ماتدورش غير بمفتاحها من الاخر كده الى عاوز يسرقها يجيب ونش ويشيلها
 
12- اللمبتين الى فوق السواق لو نورتهم و نسيتهم و نزلت قفلت العربيه شويه و بيطفوا لوحدهم
 
13- اجمل اوبشن بقى بالنسبالى للى بيحب الشد و الغرز زيى دراع الاشارة لو انت عاوز تاخد غرزه مش لازم تجيب الدراع عالاخر و بعد ماتعدى تتطفيه انت بس نزله سنه صغيرة الدراع هيرد عالطول و الاشارة هتنور 3 مرات و تتطفى لوحدها
 
14- لما تركن عربيتك فجراج و تقفل العربية هى بتنورلك النور العالى عشان تشوف لحسن تتكعبل فطوبة و لا اي حاجة طريقة تشغيله كالاتى اولا لازم تكون طفيت العربيه ثانيا بتطفى الانوار و بعدين تلف مفتاح النور على اول تكه (( النور الصغير )) و بعدين تتطيفه بسرعه هتلاقى النور العالى ولع لوحده لمده 30 ثانيه و طفى حتى لو قفلت العربيه بالريموت هيفضل منور

الكاتب إدارة الموقع

إدارة الموقع

مواضيع متعلقة

6 تعليق على “اوبـشـنـز قـد تـكـون لا تـعـرفـهـا فـي الأمـجـرانـد”

اترك رداً